Flöskumóttaka

Endurvinnslan tekur einungis á móti skilagjaldsskyldum umbúðum sem falla undir 3. grein reglugerðar um söfnun, endurvinnslu og skilagjaldi á einnota drykkjarvöruumbúðum.

Matvælaumbúðir úr gleri bera ekki skilagjald og á að skila í grenndargáma eða til grenndarstöðva fyrir sorp. Það er kostnaðarsamt að móttaka, ferja og koma gleri í endurvinnsluferli. Skv. útreikningum áætlum við að skilakerfið beri tjón upp á 10 til 35 krónur fyrir hverja glerumbúð án skilagjalds sem slæðist inn til okkar. Við myndum gjarnan vilja nota þá fjármuni í að fjölga talningavélum og auka þjónustustig okkar. Hvetjum við því alla til að vanda flokkun og koma öllum umbúðum í réttan farveg.

Ál er einstaklega heppilegur málmur í drykkjarumbúðir. Endalaust er hægt að endurvinna ál, gríðarlega sterkar umbúðir m.t.t til þyngdar og fátt betra en svellköld dós af uppáhalds drykknum, hver sem hann er.