Komdu með flöskur og dósir á grenndarstöðvar

Grænir skátar styðja beint við skátastarf á Íslandi með því að nota allan hagnað sinn til að fjármagna verkefni, búnað og viðburði fyrir skáta. Með þessu stuðlar félagið að öflugu og fjölbreyttu tómstundastarfi fyrir börn og ungmenni um allt land.

Félagið er leiðandi í því að skapa störf fyrir fólk með skerta starfsgetu. Í gegnum samstarf við Vinnumálastofnun og önnur félagsleg úrræði býður Grænir skátar upp á starfsumhverfi sem hentar einstaklingum með mismunandi þarfir og styrkleika, og stuðlar þannig að auknu jafnrétti og samfélagslegri þátttöku.

Með því að safna inn drykkjarumbúðum og tryggja að þær fari í endurvinnslu stuðlar Grænir skátar að aukinni umhverfisvitund í samfélaginu. Starfsemin er bein þátttaka í hringrásarhagkerfinu þar sem úrgangur fær nýtt líf og dregið er úr sóun á auðlindum.